同啲同學仔傾計，成日有情況係訂左study plan但做唔切，於是覺得自己溫書太慢，無效率。
其實問題唔係溫書，而係一開始就訂得太多。咁點知係多定少？所以平時就要計時做題目，知道自己一題要做幾耐。用Partnership ce為例，每一題長度差唔多，做第一題嗰陣計時可能需要四十分鐘。第二題熟左少少個flow，所以需要三十五分鐘。我地計劃嗰陣就會咁樣諗：
呢度要做幾多題？10題。
我一題要做幾耐？35分鐘。
我做晒要幾耐？350分鐘，即係差不多6小時。
咁就埋頭做六個鐘比佢，你會不斷越嚟越快，每條唔一定需要35分鐘，多左出黎嗰啲時間就用黎對卷同清concept。每科都係咁， 知道自己做題目用幾耐，考試嗰陣到容易啲預返時間去做。
但係我一條題目都唔識，做唔曬。呢個時候你嘅問題，唔應該係點樣計劃開turbo操卷，而係點樣重新學返concepts，試下做題目。試下做返堂上教過嘅題目。堂上講過一次，如果你落堂嗰陣有跟住用返五分鐘時間睇下堂上教過乜嘢，應該都會大概有概念，知道嗰條題目應該點樣去你要點樣做。