咁多年見到咁多高分/五星星/神科學生
發現佢地都有啲共同溫書技巧！
1. 會總結做錯啲咩
失敗乃成功之母，但唔好比成功有太多個老母。要錯的話錯一次就夠，五星星同學會確保自己起每次錯誤裡面學到最多記得最多，令自己之後啱返。如果你覺得自己唔應該錯，咁就總結低你起錯誤裡面學到啲咩，比自己容易啲記得，唔好白白比自己錯。
2. 定期回想
上面總結左，嗰刻你可能記得，但過左一個鐘、一日、或者一個星期之後呢？五星星唔係淨係呢刻記得，而係要不斷回想，令大半年後的自己都記得。一日諗一次又好，一個星期諗一次都得。回想次數越多，記得就越深刻。
3. 做好一步就夠
唔需要諗前面仲有幾多步，記得你永遠只係得「下一步」。可能你要由2或3追上5**，諗前面有幾多路未行幾多pp做，只會令你覺得目標好遠，令你退卻唔想做。訂好計劃就跟住計劃去做，做好當下每一步。
加油啦 係唔容易架啦
但如果你願意堅持落去既話 我會同你一齊🤙🏻